თქვენი ბანკი მთელ მსოფლიოშიგარემოსდაცვა
გლობალურად ჩვენი გარემოსდაცვითი მხარდაჭერა ფოკუსირებულია შემდეგ საკითხებზე:
- კლიმატის ცვლილება
- მტკნარი წყლები, მაგ. მდინარეები
- ბიომრავალფეროვნება
საქართველოში წელს ჩვენ შევუერთდით „ეკო–პრემიების პროგრამას“, რომელიც გასულ წელს ინიცირებული იყო BP-ის მიერ. მისი მიზანია ხელი შეუწყოს და წაახალისოს ადგილობრივი არასამთავრობო ორგანიზაციები, რათა ისინი აქტიურად ჩაერთონ ადგილობრივი გარემოსდაცვითი საკითხების პრაქტიკული გზით მოგვარების საქმეში. პროგრამას ახორციელებს და ადმინისტრირებას უწევს ევრაზიის თანამშრომლობის ფონდი.
HSBC აფინანსებს 2010 წლის ერთ–ერთ გამარჯვებულ პროექტს – „საქართველოს დაცულ ტერიტორიებზე მდგრადი ტურიზმის განვითარება“, რომელიც ხორციელდება საქართველოს ტურიზმის ასოციაციის მიერ. პროექტის მიზანია ჩართოს ადგილობრივი მოსახლეობა გარემოსდაცვით კონსერვაციაში იმ ტერიტორიებზე, სადაც ტურიზმს აქვს მნიშვნელოვანი როლი ეკონომიკის ზრდაში. პროექტის ამოცანებია:
- თუშეთის დაცული ტერიტორიაზე ხუთ საოჯახო ტიპის სასტუმროში შექმნას მზის ენერგიაზე მომუშავე გათბობისა და ელექტრო ენერგიის სისტემები;
- გააუმჯობესოს პრაქტიკული ცოდნა შესაძლო ტურისტული სერვისების შესახებ ადგილობრივ მწარმოებლებსა და პოტენციურ ტურისტულ პარტნიორებს შორის (თუშეთის და ბორჯომი–ხარაგაულის დაცული ტერიტორიები);
- საერთაშორისო ნიშნულებისა და საინფორმაციო დაფების საშუალებით განავითაროს თუშეთის დაცული ტერიტორიის საგანმანათლებლო პოტენციალი;
- ორი დაცული ტერიტორიის რეინჯერებს შორის ერთობლივი პროგრამების ინიცირება და ადგილობრივ ახალგაზრდებში გარემოსდაცვითი ცნობიერების ამაღლება.
HSBC ბანკი საქართველოს თანამშრომლებიც მიიღებენ მონაწილეობას პროექტის ცალკეულ აქტივობებში. მაგალითად, ორგანიზატორებს დაეხმარებიან საინფორმაციო დაფებისა და ნიშნულების დამონტაჟებაში. ასევე მიიღებენ მონაწილეობას თუშეთის დაცული ტერიტორიის გარკვეული ნაწილების დასუფთავებაში.
