კაპიტალური სესხები

ასეთი ტიპის სესხები გაიცემა კაპიტალდაბანდებების დაფინანსების მიზნით. მათი ხანგძლივობა მაქსიმუმ 3 წლით განისაზღვრება. დაფინანსებით სარგებლობენ კომპანიები ძირითადი საშუალებების შეძენის, რეკონსტრუქციისა და განვითარების მიზნით, რაც უზრუნველყოფს ბიზნესის გაფართოებას ან ახალი ბიზნეს-მიმართულებების ფორმირებას. თითოეული კლიენტისათვის (ბიზნესისთვის) სესხის პროცენტი განისაზღვრება ინდივიდუალურად, რისკისა და ამონაგების გათვალისწინებით, ხოლო სესხის დაფარვის გრაფიკი მორგებულია კაპიტალდაბანდებების შედეგად აკუმულირებული ნაღდი ფულის მოსალოდნელ ნაკადებზე. ასეთი ტიპის კრედიტები ძირითადად ფიქსირებული საპროცენტო განაკვეთით გაიცემა.

კომერციული სესხები და საკრედიტო ხაზები, რომელსაც ჩვენი ბანკი გთავაზობთ, როგორც წესი, კლიენტისაგან მოითხოვს სათანადო უზრუნველყოფის წარმოდგენას. უზრუნველყოფა არ არის ის უპირველესი ფაქტორი, რომლის საფუძველზეც წარმოებს განაცხადის შეფასება. მიუხედავად ამისა, აუცილებელია სათანადო უზრუნველყოფის არსებობა კომერციული კრედიტის ან საკრედიტო ხაზისთვის. ჩვენთვის მისაღებია უზრუნველყოფის შემდეგი ტიპები:

სესხის უზრუნველყოფასთან შეფარდების კოეფიციენტი განისაზღვრება კლიენტის საკრედიტო ისტორიის, კრედიტის მოცულობის, უზრუნველყოფის ტიპის, აუდიტირებული ფინანსური ანგარიშების ხელმისაწვდომობის, რისკისა და ამონაგების, უზრუნველყოფის ლიკვიდურობის გათვალისწინებით. ზოგადად, სესხის უზრუნველყოფასთან შეფარდების კოეფიციენტი განსაზღვრულია, როგორც მატერიალური უზრუნველყოფის შეფასებული ღირებულების და გაცემული კრედიტის სრული მოცულობის შეფარდება.

საკრედიტო დოკუმენტაცია

კომერციული საბანკო კრედიტის მისაღებად წარდგენილ უნდა იქნას შემდეგი დოკუმენტები:

• სამართლებრივი/სადამფუძნებლო დოკუმენტაცია კომპანიის შესახებ, მისი წესდებისა და სახელმწიფო რეგისტრაციის დამადასტურებელი დოკუმენტის ასლი;
• მინიმუმ ბოლო ორი წლის, ფინანსური უწყისები;
• საპროგნოზო ფინანსური უწყისები განაცხადში მოცემული პერიოდისათვის;
• სხვა საფინანსო ინსტიტუტებთან გაფორმებული საკრედიტო ხელშეკრულებების ასლები;
• ბოლო ერთი წლის ამონაწერი სხვა საბანკო ანგარიშებიდან;
• აღნიშნული კრედიტის უზრუნველყოფის საკუთრების დამადასტურებელი დოკუმენტის ასლი;
• სხვა დოკუმენტები და დამატებითი ინფორმაცია, რომელიც შესაძლოა აუცილებელი გახდეს საკრედიტო განაცხადის განხილვისას: ბიზნეს-გეგმა და გათვლები, დამატებითი მასალები და ახსნა-განმარტებები, რომლებიც შესაძლოა სასარგებლო აღმოჩნდეს განცხადებლის ფინანსური პოზიციისა და ეფექტურობის, მისი გადახდისუნარიანობის შეფასებისათვის.